ویمنزورلڈکپ میں ناقص کارکردگی:ہیڈکوچ محمد وسیم کو عہدے سے ہٹانے کا فیصلہ

پاکستان کرکٹ بورڈ (پی سی بی) نے قومی ٹیم کی ویمنزورلڈکپ میں ناقص کارکردگی پرہیڈکوچ محمد وسیم کو عہدے سے ہٹانے کا فیصلہ کرلیا۔
ذرائع کےمطابق محمد وسیم کو 2024 میں قومی ویمنز ٹیم کا ہیڈ کوچ بنایا گیا تھا،اب انہیں ہٹانے کی وجوہات سامنے آگئی ہیں۔بورڈ کی مکمل سپورٹ ملنے کے باوجود محمد وسیم نتائج دینے میں ناکام رہے۔دعوؤں کے برعکس ٹیم ویمنز ورلڈ کپ کا ایک بھی میچ نہ جیت سکی، ہیڈ کوچ ہونے کے باوجود کھلاڑیوں کو کوچنگ نہ کرنے کی شکایت بھی سامنے آئی ہے۔
ذرائع کاکہناہےکہ محمد وسیم کو ہیڈ کوچ کے عہدے سے ہٹا کر ان کی جگہ اگلے ہفتے نئے ہیڈ کوچ کی تقرری کا امکان ہے، محمد وسیم کی کوچنگ میں پاکستان ویمنز ٹیم مسلسل زوال پذیر ہوئی،ہیڈکوچ محمد وسیم خود بیٹسمین تھے لیکن ویمنز ٹیم کی بیٹنگ کمزور ترین ہو گئی، ان کا رویہ اکھڑ مزاج رہا، ان کی بولنگ اور بیٹنگ کوچ سمیت کھلاڑیوں سے بھی نہ بن سکی۔
ذرائع کامزیدکہناہےکہ ہیڈکوچ محمدوسیم ٹیم کی سلیکشن کمیٹی کاحصہ بھی رہے،جبکہ انہوں نےتقرریاں بھی اپنی مرضی سے کیں لیکن پھر بھی نتائج صفر رہے، ویمنز ٹیم بولنگ کے شعبے میں بھی مسلسل تنزلی کا شکار رہی اور ٹیم کی فیلڈنگ بھی بہتر نہ ہو پائی۔