عباس عراقچی نےبھارت میں کھڑےہوکر پاکستان کے امن مشن کی تعریف کر دی

0
107

عباس عراقچی نے نئی دہلی میں برکس اجلاس کے بعد پریس کانفرنس کرتے ہوئے کہا ہے کہ ایران نے جنگ کا آغاز نہیں کیا بلکہ صرف اپنا دفاع کیا ہے، جبکہ آبنائے ہرمز میں موجودہ رکاوٹوں کا ذمہ دار بھی ایران نہیں۔

انہوں نے کہا کہ ایران جنگ بندی برقرار رکھنے کی کوشش کر رہا ہے، تاہم کسی بھی دباؤ یا جارحیت کے خلاف بھرپور مزاحمت جاری رکھے گا۔

عباس عراقچی کے مطابق 40 روزہ جنگ کے بعد امریکا اپنے مقاصد حاصل کرنے میں ناکام رہا، جس کے بعد مذاکرات کی بات کی گئی، لیکن ایران کو امریکا پر کوئی اعتماد نہیں۔

انہوں نے کہا کہ ایران کے مسئلے کا عسکری حل ممکن نہیں اور ملک برسوں سے امریکی پابندیوں کا سامنا کر رہا ہے۔

ایرانی وزیر خارجہ کا کہنا تھا کہ ایرانی قوم عزت کی زبان سمجھتی ہے، اور جو چیز عسکری کارروائی سے حاصل نہیں ہو سکی وہ مذاکرات سے بھی حاصل نہیں کی جا سکتی۔ انہوں نے امید ظاہر کی کہ حکمت اور سفارتکاری موجودہ صورتحال میں کامیاب ہوں گے۔

Leave a reply