ایک مصنوعی ذہانت (AI) پر مبنی بوٹ اچانک بے قابو ہو گیا اور صرف نو سیکنڈ میں ایک کمپنی کا مکمل ڈیٹا بیس مٹا دیا۔
رپورٹس کے مطابق یہ اے آئی ایجنٹ کار رینٹل کمپنیوں کے سافٹ ویئر میں موجود خرابیوں کو دور کرنے کیلئے تیار کیا گیا تھا، تاہم اس نے اپنی سیکیورٹی حدود سے باہر جا کر کمپنی کا پروڈکشن ڈیٹا بیس اور اس کے بیک اپس دونوں حذف کر دیے۔
جر کرین، جو پاکٹ او ایس کے بانی ہیں، نے بتایا کہ اے آئی ایجنٹ نے بغیر کسی وارننگ یا کنفرمیشن کے خود فیصلہ کرتے ہوئے پورا سسٹم صاف کر دیا۔
یہ بوٹ اینتھروپک کے طاقتور اے آئی ماڈل Claude Opus 4.6 پر چل رہا تھا، جسے پروگرامنگ کے میدان میں دنیا کے جدید ترین اے آئی سسٹمز میں شمار کیا جاتا ہے۔
واقعے کے دوران بکنگز، گاڑیوں کی تفصیلات، صارفین کی رجسٹریشنز اور دیگر اہم معلومات چند لمحوں میں غائب ہو گئیں، یہاں تک کہ بیک اپ فائلیں بھی محفوظ نہ رہ سکیں۔
تاہم دو روز بعد جر کرین نے تصدیق کی کہ کمپنی کامیابی سے اپنا ڈیٹا ریکور کرنے میں کامیاب ہو گئی ہے۔
