بجلی بحران پر قابو پانے کی کوشش، سی این جی سیکٹر کی گیس پاور سیکٹر کو منتقل

بجلی بحران پر قابو پانے کی کوششیں جاری ہیں اور اس حوالے سے حکومت نے سی این جی سیکٹر کی گیس پاور سیکٹر کو منتقل کرنے کا فیصلہ کرلیا۔
حکومت نے ملک میں بجلی کی بڑھتی ہوئی قلت پر قابو پانے کے لیے گیس کی سپلائی بجلی کے شعبے کو منتقل کرنے کا فیصلہ کیا ہے۔ اس مقصد کے لیے سی این جی سیکٹر کو فراہم کی جانے والی 48 ایم ایم سی ایف ڈی گیس معطل کر دی گئی ہے، جس کے بعد پاور سیکٹر کے لیے گیس کا کوٹہ 108 ایم ایم سی ایف ڈی سے بڑھا کر 150 ایم ایم سی ایف ڈی کر دیا گیا ہے۔
اس اضافے کے باوجود، پاور سیکٹر کو بدستور گیس کی شدید قلت کا سامنا ہے، گیس لوڈ مینجمنٹ پلان کے تحت گھریلو صارفین کو اوقاتِ طعام کے دوران گیس کی فراہمی میں ترجیح ملے گی۔