وزیر تعلیم کی چھٹیوں میں اضافے کی افواہوں کی تردید

وزیر تعلیم پنجاب راناسکندرحیات نےتعلیمی اداروں میں چھٹیوں میں اضافے کی افواہوں کی تردیدکردی۔
وزیر تعلیم رانا سکندر حیات نے تعلیمی اداروں کی چھٹیوں میں اضافے سے متعلق افواہوں کی تردید کر دی ہے۔ ان کا کہنا ہے کہ تمام اسکولز اور کالجز اعلان کردہ شیڈول کے مطابق ہی کھلیں گے، اور تمام تعلیمی ادارے 12 جنوری سے باقاعدہ طور پر کھل جائیں گے۔
وزیر تعلیم نے چھٹیوں میں اضافے کی تردید اپنے سوشل میڈیا اکاؤنٹ کے ذریعے کی اور واضح کیا کہ اس حوالے سے وائرل ہونے والا نوٹیفکیشن جعلی ہے۔ ان کا مزید کہنا تھا کہ محکمہ تعلیم کی جانب سے چھٹیوں میں توسیع کا کوئی اعلان نہیں کیا گیا، اور پنجاب کے تعلیمی اداروں میں تعطیلات میں اضافہ نہیں کیا جا رہا۔