اوپن یونیورسٹی کے امتحانات کی ڈیٹ شیٹ جاری

پاکستان ٹوڈے: اوپن یونیورسٹی نے پوسٹ گریجویٹ پروگرامز کے امتحانات کی ڈیٹ شیٹ جاری۔

تفصیلات کے مطابق علامہ اقبال اوپن یونیورسٹی نے سمسٹر خزاں 2023 میں پیش کئے گئے ایم اے، ایم ایس سی، ایم کام، ایم بی اے/ایم پی اے(کامن ویلتھ آف لرننگ)، ایم ایل آئی ایس، ایم ایڈ اور پوسٹ گریجویٹ ڈپلومہ پروگرامز کے امتحانات کی ڈیٹ شیٹ جاری کردی ہے ۔

ڈیٹ شیٹ کے مطابق امتحانات 13مئی تا 13جون جاری رہیں گے۔ رول نمبر سلپس طلبا کے سی ایم ایس پورٹلز پر اپ لوڈ کی جاچکی ہیں اورامتحانات کی اطلاع طلبا کو بذریعہ موبائیل ایس ایم ایس بھی دے دی گئی ہے۔

امتحانی ہالز میں طلبا کی ضرورتوں کا خیال رکھنے کیلئے وائس چانسلر پروفیسر ڈاکٹر ناصر محمود نے خصوصی ہدایات دی ہیں۔ وائس چانسلر کی ہدایات کی روشنی میں خصوصی ٹیمیں تشکیل دے دی گئی ہیں ،جو امتحانات کے دوران امتحانی مراکز کے سرپرائز وزٹ کرے گی۔