برطانیہ جانیوالےمسافروں کیلئےبڑی خبر،پی آئی اےکی پابندی ختم

برطانیہ جانیوالےمسافروں کیلئےبڑی خبر،برطانوی ائیر سیفٹی کمیٹی کی جانب سے پاکستان انٹرنیشنل ایئرلائن (پی آئی اے)پر2020کولگائی گئی پابندی جلد ہٹائے جانے کا امکان ہے۔

ذرائع کےمطابق برطانیہ کی ائیر سیفٹی کمیٹی کے اجلاس میں پاکستانی ائیر لائنز بشمول پی آئی اے کی حیثیت کا جائزہ لیا گیا۔پی آئی اے کو برطانیہ میں دوبارہ پروازیں چلانے کی اجازت ملنےکاامکان ہے۔

ذرائع کاکہناہےکہ برطانیہ میں سروس بحالی سے دونوں ممالک کے درمیان فضائی روابط میں بہتری آئے گی۔پی آئی اے کی برطانیہ میں پروازوں سے متعلق حتمی فیصلہ 25 مارچ کو انائونس کیا جائیگا۔

ذہن نشین رہے کہ رواں سال یورپی یونین کی جانب سے پابندی ختم ہونے کے بعد 10جنوری کوپی آئی اے کی پہلی پرواز ساڑھے چار سال بعد پیرس کیلئے روانہ ہوئی ، کیونکہ جون 2020 میں یورپ اور برطانیہ نے پی آئی اے کی کمرشل پروازوں پر اپنی فضائی حدود کے استعمال کرنے پر پابندی عائد کر دی تھی۔