سندھ حکومت کی ہندوطلبہ کیلئے نصاب میں3مذہبی کتب شامل کرنےکی منظوری

محکمہ تعلیم سندھ نے ہندو طلبہ کے لیے مذہبی تعلیم کو باضابطہ طور پر نصاب میں شامل کرنے کا فیصلہ کر لیا ہے۔
حکام کے مطابق تیسری سے پانچویں جماعت تک ہندو مذہب سے متعلق تین کتب نصاب کا حصہ بنائی جائیں گی۔
تعلیمی سال 2026-27 سے سرکاری سکولوں میں ہندو طلبہ کو یہ مذہبی کتب پڑھائی جائیں گی۔
ایم کیو ایم کے رکن اسمبلی کمار ہاسیجا نے اس فیصلے کو ہندو برادری کا دیرینہ مطالبہ قرار دیتے ہوئے کہا کہ یہ ایک اہم پیش رفت ہے۔
ان کے مطابق صوبے میں اس وقت ڈھائی لاکھ سے زائد ہندو طلبہ زیر تعلیم ہیں۔
انہوں نے مزید کہا کہ صرف کتابوں کی فراہمی کافی نہیں، بلکہ معیاری تعلیم کے لیے اساتذہ کی دستیابی بھی ضروری ہے۔