بھارت میں فرحان سعیدکےانسٹاگرام اکاؤنٹ پرپابندی ،اداکار کا دلچسپ جواب

پاکستان شوبزانڈسٹری کےمعروف اداکاروگلوکارفرحان سعیدنےبھارت کی جانب سے فوٹو اینڈویڈیو شیئرنگ ایپ انسٹاگرام اکاؤنٹ پرپابندی لگانےپر دلچسپ جواب دےدیا۔
فرحان سعیدنےپہلگام واقعہ کےبعدبھارتی عوام کےساتھ ہمدردی کااظہارکیا تھا،دن بدن حالات بگڑنے سے کشیدگی بڑھتی گئی جس کےباعث مودی حکومت اوچھےہتکنڈوں اترآئی اوربھارت میں پاکستانی میڈیاچینل اورسوشل میڈیا اکاؤنٹ پرپابندی کاعمل شروع کردیا،جس کی ذدمیں فرحان سعیدکاانسٹاگرام کااکاؤنٹ بھی آگیا۔
اداکارنےاس پرردعمل دیتےہوئےاپنےانسٹاگرام اکاؤنٹ میں بڑاہی دلچسپ اورطنزیہ پیغام لکھا’’بات جنگ سے شروع ہو کر ہائی سکول والی بلاکنگ پر آگئی ہے! یہ آپ کا نقصان ہے۔ ان تمام بھارتی مداحوں کو محبت بھیجتا ہوں جو اس پابندی کا شکار بنے، اور دعا کرتا ہوں کہ سمجھداری غالب آئے تاکہ آپ اپنے پسندیدہ فنکاروں کو دوبارہ دیکھ سکیں۔‘‘
فرحان سعیدکایہ پیغام سوشل میڈیاپرجنگل کی آگ کی طرح پھیل گیاجس پرصارفین ملےجلےتبصرے کررہےہیں۔کچھ لوگ اداکارکےاس اندازکودلچسپ اورپرامن قراردےرہےہیں جبکہ کچھ صارفین نےکہاکہ پاکستانی فنکاروں کوچاہیےکہ وہ بھارت کےجھوٹےپروپیگنڈےاورجھوٹے فلیگ آپریشنز کو بے نقاب کریں۔
ادھر بھارتی مداح بھی پیچھے نہیں رہے۔ پابندی کے باوجود کئی افراد نے VPN کے ذریعے اداکارکاڈرامہ ’’شیریں فرہاد‘‘ دیکھنا جاری رکھا اور اس کے اسکرین شاٹس فرحان سعید کو بھیجے، جنہیں اداکار نے خود سوشل میڈیا پر شیئر کیا۔