ریل کے مسافروں کا خیال،سیالکوٹ ایکسپریس ٹرین 12 سال بعد بحال

ریل کے مسافروں کا خیال، سیالکوٹ ایکسپریس ٹرین 12 سال بعد بحال،پاکستان ریلویز نے ایک اور بند ٹرین دوبارہ چلادی۔
ٹرین کی سیالکوٹ آمد پر بھرپور استقبال کیا گیا، ڈھول کی تھاپ پر رقص کیا گیا اور مسافروں پر پھول کی پتیاں نچھاور کی گئیں۔ سیالکوٹ ایکسپریس کی بحالی سے سیالکوٹ اور لاہور کے درمیان سفر کرنیوالے مسافروں کا دیرینہ مطالبہ پورا ہو گیا۔
سٹیشن ماسٹر کے مطابق سیالکوٹ ایکسپریس لاہور سے سیالکوٹ اور وہاں سے وزیر آباد، جبکہ وزیر آباد سے سیالکوٹ اور لاہور جائے گی۔
ریل کا سفر رومانوی ہونے کیساتھ سستا اور آرام دہ بھی ہوتا ہے، یہی وجہ ہے کہ روزانہ بین الاضلاعی و بین الاصوبائی سفر کیلئے ہزاروں مسافر ٹرین کے سفر کو ترجیح دیتے ہیں۔سیالکوٹ ایکسپریس ٹرین کی بحالی سے بلاشبہ ریل کے مسافروں کو سہولت میسر آئے گی۔