طلبا کیلئے خوشخبری :سندھ اور خیبر پختونخوا میں موسم گرما کی تعطیلات کا اعلان

طلبا و طالبات کیلئے خوشخبری،پنجاب کے بعد سندھ اور خیبرپختونخوا کے تعلیمی اداروں میں موسم گرما کی تعطیلات کا اعلان کر دیا گیا۔
تفصیلات کے مطابق خیبرپختونخوا کے گرم علاقوں کے پرائمری سکولوں میں یکم جون سے 31 اگست تک چھٹیاں ہوں گی، تاہم ہائی اینڈ ہائیر سیکنڈری سکول میں 15 جون سے 31 اگست تک بند رہیں گے، جبکہ سرد علاقوں کے سکولوں میں تعطیلات یکم جولائی سے 31 جولائی تک ہوں گی۔
دوسری طرف محکمہ تعلیم سندھ کے مطابق شہر قائد کراچی سمیت صوبے بھر کے سکولوں اور کالجوں میں موسم گرما کی تعطیلات یکم جون سے 31 جولائی تک ہوں گی۔گرمیوں کی ان چھٹیوں کا اطلاق تمام نجی و سرکاری تعلیمی اداروں پر ہوگا۔