عالمی مارکیٹ میں تیل کی قیمت میں کمی:سال کی کم ترین سطح پرآگئی

عالمی مارکیٹ میں تیل کی قیمت میں5فیصدکمی ہونےسےرواں سال کی کم ترین سطح پرآگئی۔
غیرملکی میڈیاکےمطابق تنازع کےباعث لیبیامیں تیل کی پیداوار اور برآمد کا مسئلہ حل ہونےکی وجہ سےعالمی مارکیٹ میں تیل کی قیمت رواں سال کی کم ترین سطح پرآگئی۔
عالمی مارکیٹ میں برینٹ کی قیمت 3.77 ڈالر یا 4.9 فیصد کمی سے 73.75 ڈالر فی بیرل ہوگئی اور دسمبر کی سطح پر آگئی ہے، اسی طرح ویسٹ ٹیکساس انٹرمیڈیٹ کی قیمت 3.21 ڈالر یا 4.4 فیصد کمی سے 70.34 ڈالر ہوگئی ہے اور یہ قیمت دسمبر کے بعد کم ترین سطح ہے۔
گزشتہ ہفتے عالمی مارکیٹ میں برینٹ کی قیمت میں 0.3 فیصد اور ویسٹ ٹیکساس انٹرمیڈیٹ 1.7 فیصد کمی آئی تھی۔
رپورٹ کےمطابق اقوام متحدہ کی سرپرستی میں لیبیاکےقانون سازادارےنےمذاکرات کے بعد مرکزی بینک کے نئے گورنر کی تعیناتی پر اتفاق کرلیا ہے اور ادارے کے نمائندوں کے دستخط سے بیان بھی جاری کردیا گیا ہے۔
اس سے قبل دو سیاسی گروپوں کے درمیان مرکزی بینک کے گورنر کی تعیناتی اور تیل کے سرمایے سے متعلق اختلاف تھاجس کی وجہ سےلیبیا کی مرکزی بندر گاہوں سے تیل کی برآمد اور ملک بھر میں پیداوار روک دی گئی تھی۔