لاکھوں فرزندان توحید میدان عرفات میں موجود

0
17

سعودی عرب: آج بیس لاکھ سے زائد فرزندان توحید فریضہ حج کی ادائیگی کےلئے میدان عرفات میں موجود ہیں، مسجد الحرام کے خطیب شیخ ڈاکٹر ماہر بن حمد خطبہ حج دے رہے ہیں۔

حج کا اہم رکن خطبہ حج آج میدان عرفات کی مسجد نمرہ میں دیا جارہا ہے۔ دنیا بھر سے بیس لاکھ سے زائد عازمین خطبہ حج سننے کےلئے میدان عرفات میں موجود ہیں۔ یہ خطبہ دنیا کی پچاس زبانوں میں ترجمہ کے ساتھ نشر کیاجارہا ہے۔

حجاج کرام آج سورج غروب ہونے کے ساتھ ہی وادی مزدلفہ روانہ ہوں گے، جہاں پہنچ کر وہ مغرب اور عشا کی نمازیں ادا کریں گے اور رمی کےلئے کنکریاں اکھٹی کریں گے۔

عازمین حج کو شدید گرمی سے بچانے کےلئے سعودی حکومت نے خصوصی انتظامات کئے ہیں۔ فضا کو ٹھنڈا رکھنے کےلئے فواروں کا استعمال کیا جارہا ہے۔ پاکستان سے ایک لاکھ ساٹھ ہزار مسلمان حج کی ادائیگی کےلئے سعودی عرب میں موجود ہیں۔

Leave a reply