ملک کے بیشتر علاقوں میں مطلع جزوی ابر آلود،مزید بارش کی پیشگوئی

محکمہ موسمیات نےملک کے بیشتر علاقوں میں مطلع جزوی ابر آلودرہنےاورمزید بارش کی پیشگوئی کردی۔
محکمہ موسمیات کے مطابق ملک کے بیشتر علاقوں میں آئندہ 24 گھنٹوں کے دوران مطلع جزوی ابر آلود رہنے اور بعض مقامات پر موسلا دھار بارش اور ژالہ باری کا امکان ہے۔
محکمہ موسمیات کاکہناہےکہ ملک کےبیشتراضلاع میں تیزہواؤں آندھی اورگرج چمک کےساتھ بارش کی توقع ہے،اسلام آباداورگردونواح میں گرج چمک کے ساتھ موسلادھاربارش،ژالہ باری کاامکان ہے، اُدھر خیبرپختونخواکےبیشتراضلاع میں مطلع ابرآلودرہنےکی توقع ہے،چترال،شانگلہ،دیر،سوات،مالاکنڈ،کوہستان اورمانسہرہ میں گرج چمک کےساتھ بارش متوقع ہے۔
موسم کاحال بتانےوالوں کاکہناہےکہ پنجاب کےبیشتراضلاع میں موسم خشک اور گرم رہنےکی توقع ہے، مری ،گلیات ،راولپنڈی،اٹک،تونسہ اورمظفرگڑھ میں گرج چمک کےساتھ بارش کاامکان ہے،اُدھرسندھ کےبیشتراضلاع میں مطلع جزوی ابرآلودرہنےکی توقع ہے،سکھر،گوٹکی،کشمور،جیکب آباد،شکارپور اور لاڑکانہ میں موسلادھاربارش متوقع ہے۔
محکمہ موسمیات کےمطابق بلوچستان کےبیشتراضلاع میں مطلع جزوی ابر آلود رہنے کاامکان ہے،کو ئٹہ ،چمن ،زیارت،بارکھان،کوہلواورقلعہ عبداللہ میں موسلادھا ربارش اورژالہ باری کاامکان ہے،دوسری جانب گلگت بلتستان اورکشمیرمیں تیزہواؤں اورگرج چمک کےساتھ بارش کی توقع ہے۔

محکمہ موسمیات نے شہریوں اور سیاحوں کوہدایت کی ہے کہ وہ موسم کی صورتحال سے باخبر رہیں اور بارش کے دوران پہاڑی علاقوں کا سفر کرنے کےدوران احتیاطی تدابیر لازمی اختیار کریں۔