موسمیاتی تبدیلی: گرمی بڑھنےپر عالمی رپورٹ جاری

پاکستان ٹوڈے: موسمیاتی تبدیلیوں کے باعث مغربی ایشیا میں پارہ 5 گنا زیادہ ہونے کا امکان ۔

تفصیلات کے مطابق عالمی موسمیاتی ماہرین، ورلڈ ویدر ایٹری بیوشن گروپ کی جانب سے گرمی میں اضافے پر رپورٹ جاری کر دی گئی۔ رپورٹ کے مطابق موسمیاتی تبدیلیوں کی وجہ سے ایشیا میں اپریل میں پڑنے والی شدید گرمی کی صورتحال بدتر ہوئی، اپریل میں 15 دن کی گرمی کی لہر انسان کی تخلیق کردہ گلوبل وارمنگ کے اثرات کی وجہ سے ہوئی ۔

رپورٹ میں بتایا گیا ہے کہ بھارت میں اوسط سے 10 سینٹی گریڈ زیادہ یعنی 46 ڈگری سینٹی گریڈ درجہ حرارت ریکارڈ کیا گیا جبکہ موسمیاتی تبدیلیوں کی وجہ سے مغربی ایشیا میں انتہائی درجہ حرارت 5 گنا زیادہ ہونے کا امکان ہے۔رپورٹ میں کہا گیا ہے کہ ہیٹ ویو ہمیشہ ہوتی رہی ہیں، لیکن اضافی گرمی بہت سے لوگوں کی زندگیوں کیلئے خطرہ بن رہی ہے۔

لہٰذا ایشیائی حکومتوں کو بڑھتے ہوئے درجہ حرارت کے پیش نظر اقدامات کرنے کی ضرورت ہے۔ رپورٹ کے مطابق پورے ایشیا میں ہیٹ ایکشن پلان کو بڑھانے اور موجودہ منصوبوں کو بہتر بنانے کی ضرورت ہے۔