پی ٹی آئی کو جلسےکی اجازت:عدالت نےدرخواست نمٹادی

تحریک انصاف کی چودہ اگست کومینارپاکستان میں جلسےکی اجازت پرعدالت نےدرخواست نمٹادی۔
لاہور ہائیکورٹ میں تحریک انصاف کی چودہ اگست کو مینار پاکستان پرجلسے کی اجازت کی درخواست پر سماعت ہوئی،جسٹس مزمل اختر شبیر نے اکمل خان کی درخواست پر سماعت کی۔عدالت نے درخواست ڈپٹی کمشنر کی رپورٹ کی روشنی میں نمٹا دی۔
عدالت نےکہاکہ آپ ڈپٹی کمشنر کی رپورٹ کی روشنی میں نئی درخواست دائر کرسکتے ہیں۔
ڈپٹی کمشنرلاہورکی جانب سےرپورٹ وکیل حبیب اللہ نےعدالت میں جمع کروائی۔
رپورٹ میں کہاگیاکہ چودہ اگست جشن آزادی کا دن ہے ،چودہ اگست کو مختلف شہری مینار پاکستان آکر نیشنل ڈے کو مناتے ہیں، لاء ان آرڈر کی صورتحال کے باعث جلسے کی اجازت نہیں دی۔
وکیل حبیب اللہ نےکہاکہ پیپلز پارٹی اور استحکام پاکستان پارٹی نے بھی ایونٹس کی درخواست دی تھی ۔