ٹی ٹوئنٹی ورلڈکپ:قومی ٹیم کی ناقص کارکردگی ،سلیکٹر علیم ڈارمستفیٰ

آئی سی سی ٹی ٹوئنٹی ورلڈکپ میں پاکستان کرکٹ ٹیم کی مایوس کن کارکردگی کے بعد سلیکشن کمیٹی کے رکن علیم ڈار اپنے عہدے سے مستعفی ہو گئے ہیں۔
سابق آئی سی سی امپائر علیم ڈار نے ٹیم کی ناقص کارکردگی اور ورلڈ کپ کے سیمی فائنل تک رسائی میں ناکامی کی ذمہ داری قبول کرتے ہوئے اپنا استعفیٰ پاکستان کرکٹ بورڈ (پی سی بی)کو پیش کیا۔وہ ٹیم کی شکست کے بعد سلیکشن سیٹ اپ سے علیحدہ ہونے والے پہلے عہدیدار ہیں۔
علیم ڈار کے جانے کے بعد اب سلیکشن کمیٹی میں عاقب جاوید اور اسد شفیق شامل ہیں، جبکہ عثمان ہاشمی ڈیٹا اینالسٹ کے طور پر خدمات انجام دے رہے ہیں۔
خیال رہےکہ آئی سی سی ٹی ٹوئنٹی ورلڈکپ میں بدترین کارکردگی پرپی سی بی کی جانب سے قومی کرکٹ ٹیم کےکھلاڑیوں کو50،50لاکھ جرمانہ کیےجانےپربھی غورکیاجارہاہے۔