ایران کیساتھ کشیدگی اورناکام مذاکرات کےبعدامریکاکمزورسفارتی پوزیشن میں چلا گیا ہے، ہیلری کلنٹن

سابق امریکی وزیر خارجہ ہیلری کلنٹن نے خبردار کیا ہے کہ ایران کے ساتھ حالیہ کشیدگی اور ناکام مذاکرات کے بعد امریکا ایک کمزور سفارتی پوزیشن میں چلا گیا ہے اور اس نے اپنی روایتی برتری کھو دی ہے۔
ایک ٹی وی انٹرویو کے دوران انہوں نے مذاکراتی عمل میں صدر ڈونلڈ ٹرمپ کے داماد جیرڈ کشنر اور مشرق وسطیٰ کے لیے خصوصی نمائندے اسٹیو وٹکوف کی شمولیت پر بھی تنقید کی۔
ہیلری کلنٹن کے مطابق امریکا کو اس وقت ایران پر دباؤ برقرار رکھنے والی طاقت ہونا چاہیے تھا، تاہم موجودہ صورتحال اس کے برعکس نظر آ رہی ہے۔
انہوں نے کہا کہ امریکا نے اپنی سفارتی برتری، اثر و رسوخ اور مذاکراتی پہل کھو دی ہے، جس سے اس کی پوزیشن مزید کمزور ہوئی ہے۔