عیدالاضحی کی آمد،مہنگائی کے باعث شہری سنت ابراہیمی کی ادائیگی میں مشکلات کا شکار

لاہور میں عیدالاضحیٰ کے قریب آتے ہی قربانی کے جانوروں کی قیمتوں میں نمایاں اضافہ دیکھنے میں آ رہا ہے، جہاں بعض بکرے 2 لاکھ 50 ہزار روپے تک میں فروخت کیے جا رہے ہیں۔

شہر کی مختلف مویشی منڈیوں میں خریداروں کا رش تو بڑھ گیا ہے، تاہم مہنگائی کے باعث شہریوں کو جانور خریدنے میں مشکلات کا سامنا ہے۔

بیوپاریوں کے مطابق قیمتوں میں اضافے کی وجہ ٹرانسپورٹ، چارے اور جانوروں کی دیکھ بھال کے بڑھتے ہوئے اخراجات ہیں، جبکہ خریدار مناسب دام میں جانور تلاش کرنے میں مصروف ہیں۔

عیدالاضحیٰ کی تیاریوں کے دوران مہنگے جانور سوشل میڈیا پر بھی زیرِ بحث ہیں، جہاں صارفین قیمتوں میں اضافے پر مختلف ردعمل دے رہے ہیں۔