سپریم کورٹ کی عمران خان کےکیسزعیدکےبعدسننےکی یقین دہانی

چیف جسٹس سپریم کورٹ جسٹس یحییٰ آفریدی نے بانی پی ٹی آئی عمران خان اور ان کی اہلیہ سے متعلق مقدمات عید کے بعد سماعت کے لیے مقرر کرنے کی یقین دہانی کرا دی ہے۔

اس حوالے سے پاکستان تحریک انصاف کے سیکریٹری جنرل سلمان اکرم راجہ نے سپریم کورٹ اسلام آباد میں چیف جسٹس سے ملاقات کی۔ ملاقات کے بعد میڈیا سے گفتگو کرتے ہوئے انہوں نے بتایا کہ وہ بانی پی ٹی آئی کے مقدمات جلد سماعت کے لیے مقرر کرنے کے حوالے سے چیف جسٹس سے ملے تھے۔

سلمان اکرم راجہ کے مطابق چیف جسٹس یحییٰ آفریدی نے انہیں یقین دہانی کرائی ہے کہ عمران خان اور ان کی اہلیہ سے متعلق کیسز عید کے بعد فکس کیے جائیں گے۔

انہوں نے مزید کہا کہ چیف جسٹس نے متعلقہ عدالتی افسران کو ہدایات بھی جاری کر دی ہیں تاکہ مقدمات کو مقررہ وقت پر سماعت کے لیے پیش کیا جا سکے۔