مسافروں کیلئے خوشخبری: سستی ایئرلائن نے اپنی ٹکٹوں پر سیل لگا دی

فضائی مسافروں کیلئے بڑی خوشخبری، معروف سستی ایئرلائن نے اپنی ٹکٹوں پر سیل لگا دی۔
معروف بجٹ کیریئر ایئر عربیہ نے اپنے پورے نیٹ ورک پر رعایتی کرایوں پر پانچ لاکھ نشستیں پیش کرتے ہوئے اپنی سپر سیٹ سیل کو دوبارہ شروع کرنے کا اعلان کر دیا۔
17 فروری سے شروع ہونیوالی یہ سیل 2 مارچ تک جاری رہے گی، جس میں یکم ستمبر 2025 اور 28 مارچ 2026 کے درمیان سفر کی اجازت ہو گی۔مسافر صرف 129 درہم میں اپنی ٹکٹ بک کروا سکتے ہیں۔
کمپنی کوتوقع ہے کہ اس فروخت سے ایئر عربیہ کے وسیع فلائٹ نیٹ ورک پر نمایاں بچت ہو گی، جو مشرق وسطیٰ، ایشیا اور یورپ میں 100 سے زیادہ مقامات پر پھیلا ہوا ہے۔بجٹ کیریئر متحدہ عرب امارات کے متعدد ہوائی اڈوں سے نان سٹاپ پروازیں چلاتی ہے، جس میں شارجہ، ابوظہبی، اور راس الخیمہ شامل ہے۔
ایئر لائن نے اپنے مسافروں کو مشورہ دیا ہے کہ وہ جلدی سے بکنگ کروا لیں، کیونکہ دستیابی محدود ہے اور یہ کم کرایوں کے تمام ٹکٹوں کے بہت جلد فروخت ہونے کی امید ہے۔