وزیراعظم کی چینی ہم منصب سےملاقات، دونوں رہنماؤں کا پاک چین تعلقات کو مستحکم بنانےکے عزم

وزیراعظم شہبازشریف نے چینی ہم منصب لی چیانگ سےملاقات کی ،اس دوران دونوں رہنماؤں نے پاک چین تعلقات کو مزید مستحکم بنانےکے عزم کا اعادہ کیا۔
شنگھائی تعاون تنظیم کے سربراہی اجلاس کی کامیاب میزبانی پر وزیراعظم شہباز شریف نےمبارکباد دیتے ہوئےکہاکہ چین کے ترقیاتی ماڈل سے سیکھنا چاہتے ہیں۔
وزیراعظم آفس نےایک اعلامیہ جاری کیاجس میں کہاگیاکہ وزیراعظم شہباز شریف نےبیجنگ میں چین کےوزیراعظم لی چیانگ سےملاقات کی ،اس دوران دونوں رہنماؤں نے پاک چین تعلقات کو مزید مستحکم بنانےکے عزم کا اعادہ کیا اور ملاقات میں سی پیک کے تحت ایم ایل ون، قراقرم ہائی وے کی ری الائمنٹ اور گوادر پورٹ کے جلد نفاذ پر زور دیا گیا۔
اعلامیے میں مزید کہا گیا کہ جلد پاکستان چینی کیپیٹل مارکیٹ میں پانڈابانڈز جاری کرےگا۔اس کے علاوہ پاک چین وزرائے اعظم کی ملاقات میں سی پیک فیز 2 بشمول 5 نئے کوریڈورز پر تیزی سے کام کرنے پر بھی اتفاق کیا گیا۔
اعلامیہ میں کہاگیاکہ ایس سی اوسربراہی اجلاس کی کامیاب میزبانی پروزیراعظم شہبازشریف نےچین کومبارکباددی اور کہا کہ پاکستان چین کے ترقیاتی ماڈل سے سیکھنا چاہتا ہے۔
اعلامیے میں بتایا گیا کہ بی ٹو بی انویسٹمنٹ کانفرنس میں 300 پاکستانی اور 500 چینی کمپنیوں نے شرکت کی جس میں زراعت، معدنیات، ٹیکسٹائل، صنعت اور آئی ٹی کو سرمایہ کاری کیلئے ترجیحی شعبے قرار دیا گیا۔
اعلامیہ کےمطابق وزیراعظم شہبازشریف نےپاکستان کی خودمختاری اور ترقی میں حمایت پر چین کا شکریہ ادا کیا اور صدر شی جن پنگ کے عالمی اقدامات کی بھرپور حمایت کا اعادہ کیا۔
اعلامیے میں کہاگیاکہ ملاقات میں جوائنٹ ایکشن پلان 29-2024 پر دستخط کو اہم سنگِ میل قرار دیا گیا، دونوں رہنماؤں نے سائنس و ٹیکنالوجی، آئی ٹی، میڈیا اور زراعت سمیت کئی معاہدوں کی تقریب میں شرکت کی۔
اس موقع پردونوں رہنماؤں نے آئندہ سال پاک چین سفارتی تعلقات کی 75ویں سالگرہ شایانِ شان طریقے سے منانے پر اتفاق کیا۔