سکولوں میں ہفتہ وارجمعےکی چھٹی پروزیرتعلیم پنجاب نےوضاحت دیدی

پنجاب کے وزیر تعلیم رانا سکندر حیات نے اسکولوں میں جمعہ کی چھٹی کو مستقل کرنے سے متعلق خبروں کی تردید کی ہے۔
انہوں نے واضح کیا کہ جمعہ کی چھٹی مستقل نہیں کی جائے گی بلکہ آئندہ چند ہفتوں میں اسے ختم کر دیا جائے گا۔
ان کے مطابق اس حوالے سے صوبائی حکومت اور وفاقی حکومت کے درمیان مشاورت جاری ہے۔
وزیر تعلیم نے گرمیوں کی تعطیلات سے متعلق قیاس آرائیوں پر بھی بات کرتے ہوئے کہا کہ چھٹیوں میں کمی سے متعلق فیصلہ 15 مئی کے بعد کیا جائے گا، جس کی حتمی منظوری وزیراعلیٰ پنجاب مریم نواز شریف دیں گی۔