ایران امریکا تنازع جلد حل ہونے کے قریب، ٹرمپ کا دعویٰ

امریکی صدر ڈونلڈ ٹرمپ نے کہا ہے کہ ایران کے ساتھ مذاکرات کا سلسلہ جاری ہے اور انہیں امید ہے کہ ایران سے متعلق تنازع جلد حل ہو سکتا ہے۔

انہوں نے کہا کہ امریکا سفارتی ذرائع سے صورتحال کو بہتر بنانے اور کشیدگی میں کمی لانے کے لیے مسلسل کوششیں کر رہا ہے۔

ڈونلڈ ٹرمپ کے مطابق کسی بھی ممکنہ معاہدے میں ایران کو جوہری ہتھیار رکھنے کی اجازت نہیں دی جائے گی، اور امریکا اپنے مؤقف پر قائم ہے کہ ایران کا جوہری پروگرام محدود رہنا چاہیے۔

امریکی صدر نے مزید کہا کہ امریکا نے خطے میں سخت پالیسی اپنائی ہوئی ہے اور آبنائے ہرمز کے معاملے پر بھی واضح مؤقف رکھتا ہے۔

ان کا کہنا تھا کہ امریکا نہیں چاہتا کہ افزودہ یورینیم ایران کے اندر موجود رہے، کیونکہ یہ نکتہ کسی بھی مستقبل کے معاہدے کا اہم حصہ ہوگا۔