سیاحت کا فروغ: مصر کی سیاحوں کیلئے انتہائی پرکشش آفر

مصر کی سیاحوں کیلئے پرکشش آفر، مصر تاریخی مقامات اور آثار سے بھرپور سیاحتی ملک ہے، جہاں ہر سال ہزاروں سیاح رخ کرتے ہیں۔
مصر آنیوالے سیاحوں کو پرکشش آفر کر دی گئی۔ یہ آفر انٹری ویزا فیس میں استثنیٰ ہے۔
مصر کے سیاحتی شہر الاقصر کی کلچرل ٹورازم مارکیٹنگ کمیٹی کے حکام کے مطابق قاہرہ سے تقریباً 700 کلو میٹر جنوب میں واقع الاقصر ایئرپورٹ پر چارٹر پروازوں کے ذریعے آنیوالے سیاحوں کو مئی سے ستمبر 2025 کے آخر تک 25 ڈالر انٹری ویزا فیس سے چھوٹ ملے گی۔ یہ اقدام وزارت سیاحت اور آثار قدیمہ کی جانب سے قدیم شہروں خاص طور پر الاقصر میں سیاحوں کی آمد بڑھانے کے لیے کیا گیا ہے۔
حکام کو امید ہے کہ الاقصر آنیوالے سیاحوں کو مفت انٹری ویزا دینے سے موسم گرما کے دوران مصر کے دیگر شہروں میں سیاحوں کی تعداد میں اضافہ ہوگا۔ذہن نشین رہے کہ مصر نے 2021 میں ایک نیا ویزا ریگولیشن متعارف کرایا تھا، جس کے تحت مصر آنے والے سیاحوں پر 25 ڈالر انٹری ویزا فیس عائد کی گئی تھی۔