طلبا کی موجیں:سکولوں میں مفت ناشتہ ملے گا

0
24

پاکستان ٹوڈے: سکولوں کے طلبا کی موجیں لگ گئیں۔ اب کوئی بچہ بھوکا سکول نہیں جائے گا۔

تفصیلات کے مطابق گورنر سندھ نے سکولوں میں بچوں کو مفت دودھ پلانے اور ناشتہ دینے کا اعلان کر دیا۔ گورنر سندھ کامران ٹیسوری نےشہر قائد کراچی میں منعقدہ ایک تقریب کے دوران گورنرانیشیٹیو فری بریک فاسٹ فار سٹوڈنٹس شروع کرنے کا اعلان کیا۔ اس موقع پر ان کا کہنا تھا کہ سکولوں میں بچوں کو مفت ناشتہ فراہم کیا جائے گا۔

گورنر سندھ نے کہا کہ سروے سے پتہ چلا ہےکہ مہنگائی اور غربت کی وجہ سے ایسے بھی بچے ہیں، جنہوں نے دو سال سے دودھ نہیں پیا، کسی نے 6 ماہ سے انڈا نہیں کھایا اور کچھ بچے تو بغیر ناشتہ کیے سکول چلے جاتے ہیں۔انہوں نے کہا کہ جس طرح آئی ٹی کے پچاس ہزار بچے گورنر ہائوس میں پڑھ رہے ہیں، اسی طرح اب کوئی بچہ سکول میں بغیر ناشتہ کیے نہیں جائے گا۔ پہلے مرحلے میں 100 سرکاری سکولوں میں مفت ناشتہ دینے کا سلسلہ شروع کر رہے ہیں، جس کو مرحلہ وار آگے بڑھایا جائے گا۔

مفت ناشتہ سکیم کو صرف کراچی نہیں اندرون سندھ میں بھی شروع کریں گے۔ اس پر ایک ویب سائٹ بھی لانچ کی جائے گی، جو سکول خود کو ہمارے پاس رجسٹریشن کرائیں گے، ہم ان کو بھی اس پروگرام میں شامل کرلیں گے۔انہوں نے کہا کہ گورنر ہاؤس مختلف انیشیٹیو لیتا رہتا ہے۔ ہم آئی ٹی پر کلاسز کر رہے ہیں اور خدمت کے جذبے سے فوڈ سیکورٹی پر بھی ہم نے پہلا قدم اٹھا لیا ہے۔

اس موقع پرسیلانی ویلفیئر ٹرسٹ کے سربراہ بشیر فاروقی نے کہا کہ خالد مقبول نے ایک قدم اٹھایا ہے اور گورنز سندھ نے عزم سے یہ ذمہ داری لی ہے، کراچی کے لوگ بہت دریا دل ہیں، ہم بچوں کو سکول میں مفت ناشتہ ضرور فراہم کریں گے۔

Leave a reply