پشاور:مسافربس گہری کھائی میں گرنےسے40افرادجاں بحق ،متعددزخمی

خیبرپختونخوا کے علاقے دانا سر میں ایک مسافر بس گہری کھائی میں گرنے سے 40 افراد جان کی بازی ہار گئے، جبکہ متعدد افراد زخمی ہوئے۔
ضلعی انتظامیہ کے مطابق بس کوئٹہ سے پشاور جا رہی تھی کہ ژوب اور ڈیرہ اسماعیل خان کے درمیانی علاقے دانا سر میں حادثے کا شکار ہو گئی۔
معاون وزیراعلیٰ بلوچستان نے بھی حادثے میں 40 افراد کے جاں بحق اور 8 کے زخمی ہونے کی تصدیق کی ہے۔
اس سے قبل ضلع سوات میں سیف اللہ جھیل کے مقام پر سیاحوں سے بھری کشتی الٹنے کے باعث ایک ہی خاندان کے 7 افراد جاں بحق ہو گئے تھے، جبکہ ایک شخص تاحال لاپتہ ہے۔