شادی کی خوشی میں دلہن کا ڈانس، دلہے کے گھر والے بارات واپس لے گئے

بھارتی ریاست ہریانہ میں شادی کی ایک تقریب اس وقت تنازع کا شکار ہوگئی جب دلہن کی انٹری کے موقع پر ڈانس پرفارمنس پر دلہے کے گھر والوں نے شدید ناراضی کا اظہار کرتے ہوئے بارات واپس لے لی۔

رپورٹس کے مطابق دلہن اپنی آمد کے وقت خوشی سے رقص کر رہی تھی، جسے مہمانوں کی بڑی تعداد نے دلچسپی سے دیکھا، تاہم یہ انداز دلہا کے اہل خانہ کو ناگوار گزرا۔

بتایا گیا ہے کہ دلہن کے ڈانس پر دلہا کے والد اور بڑے بھائی نے سخت اعتراض کیا، جس کے بعد دونوں خاندانوں کے درمیان تلخ جملوں کا تبادلہ شروع ہوگیا۔

صورتحال اس حد تک بگڑ گئی کہ دلہا والوں نے شادی کی تمام رسومات منسوخ کرنے کا فیصلہ کرتے ہوئے تقریب ادھوری چھوڑ دی اور واپس چلے گئے۔