پنجاب کے سرکاری ڈینٹل کالجز میں داخلوں کیلئے عبوری میرٹ لسٹ جاری

ڈاکٹر بننے کے خواہشمند طلبا و طالبات کیلئے اہم خبر،پنجاب کے سرکاری ڈینٹل کالجز میں داخلوں کیلئے عبوری میرٹ لسٹ جاری، یونیورسٹی آف ہیلتھ سائنسز (یو ایچ ایس) نے پنجاب کے سرکاری ڈینٹل کالجز میں داخلوں کے لیے عبوری میرٹ لسٹ جاری کر دی ہے۔
ویب سائٹ پر جاری کی گئی فہرست میں ٹاپ 750 درخواست گزاروں کے نام شامل ہیں۔اس میرٹ لسٹ کی بنیاد پر امیدواروں کو پنجاب کے مختلف سرکاری ڈینٹل کالجز میں داخلہ دیا جائے گا۔
سرکاری ڈینٹل کالجز میں اوپن میرٹ پر بی ڈی ایس کی 185 سیٹیں مختص کی گئی ہیں۔
پہلی میرٹ لسٹ کے مطابق سرکاری ڈینٹل کالجز میں بی ڈی ایس کا آخری میرٹ 94.2 فیصد رہنے کا امکان ہے۔ ڈینٹل کالجز میں داخلوں کی پہلی سلیکشن لسٹ یکم مارچ کو جاری کی جائے گی۔