آج سے 5 مئی تک ممکنہ غیر متوقع موسمی صورتحال کی ایڈوائزری جاری

غیر متوقع موسمی صورتحال،ملک میں آج سے 5 مئی تک ممکنہ غیر متوقع موسمی صورتحال کی ایڈوائزری جاری کر دی گئی۔
نیشنل ڈیزاسٹر مینجمنٹ اتھارٹی (این ڈی ایم اے) کے مطابق خیبر پختونخوا، گلگت بلتستان، آزاد کشمیر، شمال مشرقی پنجاب اور شمالی مشرقی بلوچستان میں تیز ہواؤں اور آندھی کے ساتھ بارش کا امکان ہے۔
این ڈی ایم اے کے مطابق سندھ کے چند اضلاع میں بھی تیز ہواؤں اور آندھی کے ساتھ بارش ہو سکتی ہے۔این ڈی ایم اے نے ممکنہ غیر متوقع موسمی صورتحال سے نمٹنے کیلئے تمام متعلقہ اضلاع اور اداروں کو الرٹ رہنے کی ہدایت کی ہے۔