راولپنڈی ٹیسٹ:قومی ٹیم کی شکست،ڈریسنگ روم کی کہانی سامنے آگئی

راولپنڈی ٹیسٹ میں پاکستان ٹیم کوبنگلہ دیش کےہاتھوں عبرتناک شکست کےبعدڈریسنگ ر وم کی اندرونی کہانی منظرعام پرآگئی۔
بنگلہ دیش کےہاتھوں پاکستان ٹیم کو10وکٹوں سےشکست پرپاکستان کرکٹ بورڈ ہی نہیں بلکہ پوری قوم پریشان ہےکہ ڈراہوامیچ پاکستان اتنی بُری طرح کیسےہارگیا۔میچ کےآخری روزپاکستانی بلےبازبنگلہ دیش کےباولرزکےسامنےٹک نہ سکے۔راولپنڈی ٹیسٹ میں شکست پاکستان کی بنگلادیش کیخلاف ٹیسٹ میچز میں پہلی ہار تھی۔
میڈیاذرائع کےمطابق ٹیم مینجمنٹ قومی ٹیم کےبالرزکی کارکردگی سےمایوس ہےجبکہ سینئر کھلاڑیوں نے فاسٹ بالرز کی گرتی ہوئی رفتار پر تشویش کا اظہار کیا ہے۔
ذرائع نے انکشاف کیا کہ ٹیم مینجمنٹ کا خیال ہے کہ پاکستانی فاسٹ بالرز نے پچ پر موجود گھاس کا فائدہ نہیں اٹھاسکے۔
واضح رہے کہ پاکستان نے پہلی اننگز 6 وکٹوں کے نقصان پر 448 رنز پر ڈکلیئر کر دی تھی، بعدازاں پاکستانی بالنگ نے 565 رنز بنوادیئے جس سے میچ ڈرا لگ رہا تھا لیکن ڈرامائی انداز میں پاکستانی ٹیم دوسری اننگز میں محض 146 رنز بناکر ڈھیر ہوگئی اور بنگلادیش نے 10 وکٹوں سے تاریخی فتح سمیٹ کر شائقین کے دل توڑ دیئے۔