سمارٹ ڈیوائسزسے بچانے والا اینٹی سمارٹ فون متعارف

0
8

لوگوں کو سمارٹ ڈیوائسز کی لت سے بچانے والا کریڈٹ کارڈ جتنا بڑا اینٹی سمارٹ فون لائٹ 3 نامی ڈیوائس متعارف کرا دی گئی۔

اس فون ڈیوائس کا مقصد صارفین کو سمارٹ فون کے استعمال میں کمی لانا ہے۔ اسے ایک امریکی کمپنی نے ایسے افراد کیلئے تیار کیا ہے جو سمارٹ فونز کے حد سے زیادہ استعمال سے پریشان رہتے ہیں اور ان سے کچھ دور رہنا چاہتے ہیں۔

کمپنی کے مطابق ہمارے صارفین کو حقیقی زندگی میں زیادہ وقت گزارنے کا موقع ملتا ہے۔ لائٹ فون 3 اس کمپنی کا تیسرا فون ہے ،جو جنوری 2025 تک دستیاب ہوگا۔ کمپنی نے اسےڈمب فون قرار دیتے ہوئےکہا کہ اس سے آپ کالز اور ایس ایم ایس تو بھیج سکتے ہیں، مگر اس میں ایپس، سوشل میڈیا، ای میل اور انٹرنیٹ براؤزر موجود نہیں ۔

اس سے پہلے یہ کمپنی اپنے فونز میں ای انک ڈسپلے استعمال کر رہی تھی، مگر اب او ایل ای ڈی سکرین کو ڈیوائس کا حصہ بنایا گیا ہے۔ پہلی بار اس کمپنی کے کسی فون میں فرنٹ اور بیک پر کیمرے بھی دیے گئے ہیں، جن کے لیے شٹر بٹن بھی ڈیوائس میں موجود ہیں، جس کے باعث وہ کسی سمارٹ فون کی بجائے پرانے کیمرے کا حصہ محسوس ہوتے ہیں۔

اچارجنگ کیلئے یو ایس بی سی پورٹ، فلیش لائٹ، فنگرپرنٹ سنسر اور 5 جی سپورٹ جیسے فیچرز بھی فون کا حصہ ہیں۔

Leave a reply