واٹس ایپ میں سٹیٹس اپڈیٹ نوٹیفکیشن رمائنڈر کے فیچر کی آزمائش شروع

واٹس ایپ صارفین کیلئے خوشخبری ،سٹیٹس اپڈیٹ نوٹیفکیشن رمائنڈر کے فیچر کی آزمائش شروع کردی گئی ۔
فیچر کے تحت صارفین کو اپنے دوستوں کی جانب سے سٹیٹس یا سٹوری اپڈیٹ کیے جانے پر نوٹیفکیشن موصول ہوگا۔اس فیچر کے تحت جیسے ہی کوئی واٹس ایپ سٹیٹس یا سٹوری شیئر کرے گا تو دوسرے صارف کے پاس نوٹیفکیشن چلا جائے گا، تاہم نوٹیفکیشن کو بند بھی کیا جا سکے گا۔ فیچر کے تحت صارف کے پاس سیٹنگ میں جاکر سٹیٹس یا سٹوری رمائنڈر نوٹیفکیشنز کو بند کرنے کا آپشن بھی ہوگا۔اس کے علاوہ صارفین کے پاس یہ اختیار بھی ہوگا کہ وہ سیٹنگ میں تمام کی بجائے محدود صارفین کے سٹیٹس یا سٹوری اپڈیٹ کے نوٹیفکیشن کو بھی آن کریں۔
سٹوری یا سٹیٹس اپڈیٹس رمائنڈر نوٹیفکیشن کی آزمائش تک محدود اینڈرائیڈ صارفین کو رسائی دی گئی ہے، تاہم نئے فیچر کو کب تک متعارف کرایا جائے گا، اس حوالے سے کچھ بھی کہنا قبل از وقت ہے۔نوٹیفکیشن رمائنڈر فیچر بالکل ایسے ہی کام کرے گا جیسے ابھی واٹس ایپ سٹوری یا سٹیٹس کو لائیک کرنے کا نوٹیفکیشن فیچر کام کرتا ہے۔