وفاقی تعلیمی اداروں میں عید الفطر اور موسم بہار کی تعطیلات کا اعلان

طلبا و طالبات کیلئے خوشخبری ، وفاقی تعلیمی اداروں میں عید اور موسم بہار کی تعطیلات کا اعلان ، وفاقی حکومت نے سرکاری تعلیمی اداروں میں عید اور موسم بہار کی تعطیلات کا اعلان کر دیا۔
نوٹیفکیشن کے مطابق وفاقی تعلیمی ادارے 31 مارچ سے 4 اپریل تک بند رہیں گے، اور نیا تعلیمی سیشن 7 اپریل سے شروع ہوگا۔اسلام آباد ماڈل سکولز، کالجز اور وفاقی سرکاری کالجز سمیت تمام وفاقی تعلیمی ادارے ان تعطیلات سے مستفید ہوں گے۔
محکمہ موسمیات نے پیشگوئی کی ہے کہ رمضان المبارک 29 روز کا ہوگا اور 31 مارچ کو عید کے امکانات زیادہ ہیں۔ 30 مارچ کو شوال کا چاند نظر آنے کی توقع بھی ظاہر کی گئی ہے۔
یہی وجہ ہے وفاقی حکومت نے سوموار 31 مارچ ، یکم اپریل منگل اور دو اپریل بدھ کی عام تعطیل کا اعلان کیا ہے۔