چیمپئنزٹرافی:آئی سی سی بورڈمیٹنگ میں آج اہم فیصلے متوقع

انٹرنیشنل کرکٹ کونسل کی بورڈمیٹنگ کااہم اجلاس آج شام کومتوقع ہےجس میں چیمپئنزٹرافی کےشیڈول سےمتعلق فیصلےکیاجانےکاامکان ہےاجلاس میں شرکت کےلئےچیئرمین پی سی بی محسن نقوی دبئی پہنچ چکےہیں۔
ذرائع کےمطابق جےشاہ کوانٹرنیشنل کرکٹ کونسل (آئی سی سی )کاعہدہ سنبھالنےکےبعداستقبالیہ دیاجارہاہے،جس میں شرکت کےلئےچیئرمین پاکستان کرکٹ بورڈ(پی سی بی)محسن نقوی بھی دبئی پہنچ چکےہیں۔
ذرائع کےمطابق آئی سی سی بورڈ میٹنگ میں چیمپئنز ٹرافی کے انعقاد کے حوالے سے بڑے فیصلے کا امکان ہے۔ بورڈ میٹنگ سے قبل کرکٹ کونسل کی براڈ کاسٹرز کے ساتھ میٹنگز بھی جاری ہیں۔
ذرائع کے مطابق چیئرمین پی سی بی اصولی مؤقف پر قائم ہیں اور نئے فارمولے کو مسترد کیا گیا تو پی سی بی سخت اقدام اٹھاسکتا ہے جب کہ بورڈ تنازع کے حل کے لیے قانونی آپشن پر غور کررہا ہے۔