کم عمرعازمین کیلئے خوشخبری،سعودی وزارت حج نے دوبارہ پرانی پالیسی نافذ کر دی

سعودی وزارت حج نے کم عمر بچوں سے متعلق حالیہ پالیسی واپس لیتے ہوئے عمر کی حد میں اضافے کا فیصلہ منسوخ کر دیا ہے۔
حکام کے مطابق اب پرانی پالیسی دوبارہ بحال کر دی گئی ہے، جس کے تحت 12 سال سے زائد عمر کے بچوں کو حج کی اجازت ایک بار پھر دے دی گئی ہے۔
اس سے قبل سعودی عرب نے 15 سال سے کم عمر عازمین پر پابندی عائد کی تھی، تاہم اب اس فیصلے کو واپس لے لیا گیا ہے، جس سے متعدد متاثرہ خاندانوں کو ریلیف ملا ہے۔
ذرائع کا کہنا ہے کہ اس فیصلے کے بعد کم عمر عازمین سے متعلق سابقہ قواعد و ضوابط پر دوبارہ عملدرآمد شروع کر دیا گیا ہے۔
سعودی وزارت حج کی جانب سے اس پیش رفت کو عازمین کی سہولت کے پیش نظر اہم اقدام قرار دیا جا رہا ہے۔