مسلسل 2روز کمی کے بعد سونے کی قیمت میں بڑا اضافہ، نئی بلند ترین سطح ریکارڈ

پاکستان اور عالمی مارکیٹ میں سونے کی قیمتوں میں نمایاں اضافہ ریکارڈ کیا گیا ہے۔

آل صرافہ ایسوسی ایشن کے مطابق ملک میں 24 قیراط فی تولہ سونا 7 ہزار 250 روپے اضافے کے بعد 4 لاکھ 39 ہزار 966 روپے کی سطح پر پہنچ گیا ہے، جبکہ 10 گرام سونا 6 ہزار 525 روپے اضافے سے 3 لاکھ 75 ہزار 947 روپے کا ہوگیا ہے۔

چاندی کی قیمت بھی بڑھ گئی ہے اور فی تولہ نرخ 190 روپے اضافے کے بعد 7 ہزار 79 روپے تک پہنچ گیا ہے۔

دوسری جانب عالمی مارکیٹ میں بھی سونے کی قیمت میں 72 ڈالر کا اضافہ ہوا ہے جس کے بعد فی اونس قیمت 4 ہزار 175 ڈالر تک جا پہنچی ہے۔