ارمیلامٹونڈکرکاشادی کے8سال بعدشوہرسےعلیحدگی کافیصلہ

سابق بالی ووڈاداکارہ وسیاستدان ارمیلامٹونڈکرنےشادی کے8سال بعد شوہر محسن اخترسےعلیحدگی کےلئےعدالت سےرجوع کرلیا۔
ارمیلامٹونڈکراورمحسن اخترکی علیحدگی کی خبریں سوشل میڈیاکےمختلف پلیٹ فارمزپرگردش کررہی ہیں،اس حوالےسے بھارتی میڈیاکابھی کہناہےکہ دونوں میں علیحدگی ہوچکی ہے۔
بھارتی میڈیا کے مطابق ممبئی کی ایک عدالت کے ذرائع نے بتایا کہ ارمیلا نے اپنے شوہر محسن اختر سے طلاق لینے کے لیے عدالت میں درخواست دائرکردی ہے جبکہ علیحدگی کی وجہ ابھی تک معلوم نہیں ہوسکی۔
ذرائع نے بتایا کہ ارمیلا اور محسن اختر کے درمیان طلاق باہمی رضامندی سے نہیں ہورہی ہے بلکہ یہ فیصلہ صرف اور صرف ارمیلا کا ہے۔
بھارتی میڈیا کا کہنا ہے کہ ارمیلا اپنے شوہر سے طلاق کے بعد اپنے کام پر توجہ دینا چاہتی ہیں، وہ فلموں میں واپسی کرنا چاہتی ہیں جبکہ یہ دونوں گزشتہ کافی عرصے سے الگ رہ رہے ہیں۔
واضح رہے کہ ارمیلا مٹونڈکر اور محسن اختر نے فروری 2016 میں شادی کی تھی اور اس شادی پر بالی ووڈ انڈسٹری سمیت مداح بھی کافی حیران ہوئے تھے کیونکہ دونوں کا مذہب مختلف تھا اور محسن اختر کا تعلق بھی مقبوضہ کشمیر سے ہے۔