انسٹاگرام صارفین کیلئے خوشخبری، زبردست فیچر متعارف

انسٹاگرام صارفین کیلئے خوشخبری ۔میٹا کی زیر ملکیت مشہور فوٹو شیئرنگ ایپلی کیشن اور سوشل میڈیا پلیٹ فارم نےزبردست فیچر متعارف کروا دیا۔
صارفین اب انسٹاگرام کی ہر پوسٹ پر10 کی بجائے 20 تصاویر یا ویڈیوز پوسٹ کرسکیں گے۔اس سے قبل انسٹاگرام کی ایک پوسٹ پر زیادہ سے زیادہ 10 تصاویر یا ویڈیوز پوسٹ کی جاسکتی تھیں۔اس طرح کی کیروسل پوسٹس( carousel posts) کا فیچر انسٹاگرام صارفین کیلئے 2017 میں متعارف کرایا گیا تھا۔
ماہرین کا کہنا ہے کہ انسٹاگرام کی جانب سے زیادہ تصاویراور ویڈیوز پوسٹ کرنے کا آپشن ٹک ٹاک کو مدنظر رکھ کیا گیا ہے۔اگرچے ٹک ٹاک کو ویڈیو شیئرنگ ایپ مانا جاتا ہے، مگر اس میں ابھی صارفین ایک وقت میں 35 تصاویر پوسٹ کرسکتے ہیں۔
درحقیقت ٹک ٹاک میں حالیہ مہینوں میں تصاویر کو پوسٹ کرنے کا رجحان بڑھا ہے۔انسٹاگرام نے اپنی ایک بلاگ پوسٹ میں لکھا ہے کہ اس نئی اپ ڈیٹ کا مقصد صارفین کو اپنے جذبات کا اظہار کرنے میں مدد فراہم کرنا ہے اور اس طرح وہ زیادہ اچھا مواد دوستوں سے شیئر کرسکیں گے۔
کمپنی کے مطابق یہ فیچر دنیا بھر میں متعارف کرانے کا سلسلہ شروع ہوگیا ہے اور بہت جلد تمام صارفین کو دستیاب ہوگا۔