جی میل میں اے آئی ٹیکنالوجی پر مبنی کارآمد فیچر صارفین کیلئے متعارف

گوگل کے صارفین کیلئے اہم خبر،جی میل میں اے آئی ٹیکنالوجی پر مبنی کارآمد فیچر متعارف،اگربطورِ جی میل صارف آپ کو بہت زیادہ ای میلز موصول ہوتی ہیں اور ایسا اکثرصارفین کے ساتھ ہوتا ہے تو سیکڑوں یا ہزاروں ای میلز سے بھرے ان باکس میں کسی پرانی ای میل کو ڈھونڈنا چیلنج سے کم نہیں ہوتا،یہی وجہ ہے کہ گوگل نے اس مسئلے کا حل صارفین کیلئے متعارف کرانے کا فیصلہ کیا ہے۔
کمپنی کی جانب سے اعلان کیا گیا ہے کہ آرٹی فیشل انٹیلی جنس (اے آئی) ٹیکنالوجی پر مبنی ایک نیا سرچ فیچر صارفین کیلئے متعارف کروایا جا رہا ہے۔کمپنی نے ایک بلاگ پوسٹ میں بتایا ہے کہ اس اے آئی فیچر کے ذریعے صارفین کو ای میلز سرچ کرنے کا آپشن فراہم کیا جائے گا۔
بلاگ پوسٹ کے مطابق most relevant سرچ فیچر کو دنیا بھر میں تمام صارفین کیلئے متعارف کرایا جا رہا ہے۔اس فیچر کے ذریعے اِن باکس میں پرانی ای میلز کو سرچ کرنا ممکن ہوگا۔
گوگل کے مطابق اگر most relevant سرچ رزلٹس فیچر آپ کو پسند نہیں تو واپس موسٹ ریسنٹ آپشن پر سوئچ کرنا ممکن ہوگا۔اس سے قبل بھی جی میل میں کئی اے آئی فیچرز متعارف کروائے جاچکے اور اب سرچ فیچر کا اضافہ کیا گیا ہے۔