خیبر پختونخوا : پی ایم ایس امتحان کیلئے عمر کی حد 30 سے 35 سال کر دی گئی

مقابلےکے امتحانات دینے والے طلبا وطالبات کیلئے خوشخبری،خیبر پختونخوا کے پبلک سروس کمیشن کی جانب سے مقابلے کے امتحانات کیلئے عمر کی حد بڑھا دی گئی۔
پی ایم ایس امتحان دینے کیلئے عمر کی حد میں پانچ سال کا اضافہ کر دیاگیا۔اس حوالے سے ڈائریکٹر امتحانات پبلک سروس کمیشن کے جاری کردہ اعلامیےکے مطابق پرووینشل مینجمنٹ سروسز (پی ایم ایس) کے مقابلے کے امتحانات کیلئے امیدواروں کی عمر کی حد 30 سے بڑھا کر 35 سال کر دی گئی ہے۔
اعلامیے میں مزید کہا گیا ہے کہ آئندہ 2 برسوں کیلئے پی ایم ایس ٹیسٹ کے مواقع بھی 3 سے بڑھا کر 4 کر دیے گئے ہیں، جبکہ پبلک سروس کمیشن کے حالیہ اشتہار کی آخری تاریخ میں توسیع کر کے 7 مارچ کر دی گئی ہے۔