سینئراداکارہ بابرہ شریف نےزندگی کی 70بہاریں دیکھ لیں

پاکستان شوبزانڈسٹری کی سینئراداکارہ بابرہ شریف نےزندگی کی70بہاریں دیکھ لیں۔
70کی دہائی میں شوبزکی دنیامیں قدم رکھنےوالی خوبرو اداکارہ بابرہ شریف 10 دسمبر 1954ء کو پیدا ہوئیں،لاکھوں دلوں پرراج کرنےوالی اداکارہ نےشوبزمیں اپنےکیرئیرکاآغاز 1973ء میں ڈرامہ کرن کہانی سے کیا اور جلد ہی فلم انڈسٹری کا حصہ بن گئیں۔ 1970 اور 1980 کی دہائیوں میں وہ پاکستان کی صف اول کی اداکاراؤں میں شامل ہوئیں۔
شوبزانڈسٹری میں تقریباًتین عشروں تک اپنےفن کامظاہرہ کیا اورطویل فلمی کیریئر کے دوران اپنی اداکاری، دلکش مسکراہٹ اور لاجواب پرفارمنس سے مداحوں کے دلوں پر خوب راج کیا۔
خوبرو اداکارہ بابرہ شریف نے 30 سالہ کیریئر میں 100 سے زیادہ فلموں میں کام کیا، ان کی مشہور فلموں میں میرا نام ہے محبت، شبانہ اور شریف بدمعاش سمیت متعدد فلموں نے کامیابی کے نئے ریکارڈز قائم کئے۔
بابرہ شریف نے چاکلیٹی ہیرو وحید مراد، شہنشاہ جذبات محمد علی اور سلطان راہی سمیت اپنے دور کے نامور اداکاروں کے ساتھ جلوہ گر ہو کر اپنی صلاحیتوں کا لوہا منوایا۔
بابرہ شریف نے اپنے طویل کیریئر کے دوران اپنی اداکاری کے لئے کئی بڑے ایوارڈزحاصل کئے، جن میں 8 مرتبہ بہترین اداکاری کے نگار ایوارڈز بھی شامل ہیں۔