عمران خان کوسیاسی جدوجہدکرنی ہےتوپارلیمنٹ میں کریں ،رانا ثنااللہ

0
12

مشیروزیراعظم رانا ثنا اللہ نےکہاہےکہ بانی تحریک انصاف نےسیاسی جدوجہدکرنی ہےتوپارلیمنٹ میں کریں۔
عمران خان کے آرمی چیف جنرل عاصم منیر کے نام خط پر ردعمل دیتے ہوئے مشیر وزیراعظم راناثنااللہ کاکہناتھاکہ یہ خط جیل سے لکھے جارہے ہیں؟ یہ کہاں سے آتے ہیں؟ بانی پی ٹی آئی کے خط کا مقصد ہے کہ فوج اور عوام کے درمیان فرق ڈالا جائے ،بانی پی ٹی آئی کو سیاسی جدوجہد کرنی ہے تو پارلیمنٹ میں کریں۔
اُن کامزیدکہناتھاکہ جسٹس بابر ستار اور جسٹس طارق جہانگیری کی تعیناتی رکوانے کے لیے پی ٹی آئی کی حکومت سر کے بل کھڑی ہو گئی تھی۔ کیا متعلقہ چیف جسٹس اور جج غلط ہیں اور جنہوں نے خط لکھا ہے وہ ٹھیک ہیں؟
رانا ثنا اللہ کا کہنا تھا کہ اسلام آباد ہائیکورٹ میں ججوں کا تبادلہ کرکے ہم نے آئین سے ماورا کوئی اقدام اٹھایا ہے؟ کیا آرٹیکل 200، 26ویں ترمیم کےذریعے آئین میں ڈالا گیا ہے یا اُس میں کوئی ترمیم کی گئی ہے؟اگر سوال اٹھانے پر آئیں تو ججز کے خط پر بھی بڑے سوالات اٹھتے ہیں۔
واضح رہےکہ بانی پی ٹی آئی عمران خان نے آرمی چیف جنرل عاصم منیر کو خط لکھا ہے۔

Leave a reply