وینزویلا تمام گلیشیرز کھو دینے والا جدید تاریخ کا پہلا ملک بن گیا

جنوبی امریکا کا ملک وینزویلا تمام گلیشیرز کھو دینے والا جدید تاریخ کا پہلا ملک بن گیا۔
موسمیاتی ماہرین کے بقول میں وینزویلا باقی ماندہ گلیشیرز محض آئس فیلڈ ،برف کی چادرکی صورت اختیار کر چکے ہیں ۔
ماہرین کے مطابق وینزویلا کا ہمبولڈٹ گلیشیر پگھل کر دو ہیکٹر یعنی صرف پانچ ایکڑ تک محدود ہو چکا اور یہاں پر رک کر آئس فیلڈ کی صورت اختیار کر چکا ہے۔ ہمبولڈٹ گلیشیر وینوزویلا کا آخری گلیشیر ہے۔
گزشتہ صدی میں موسمیاتی تغیر کی وجہ سے ملک کے کم از کم پانچ گلیشیر پگھل چکے ہیں۔ یوں توعالمی سطح پر کسی برف کے ذخیرے کو گلیشیر قرار دینے کیلئے کوئی معیار مقرر نہیں،تاہم امریکی جیولوجیکل سروے کے مطابق 10 ہیکٹر (24.71 ایکڑ) کا رقبہ ایک عام کلیہ ہے۔
ماہرین گلیشیرز کا کہنا ہے کہ وینزویلا میں موجود سیئرا نیواڈا نیشنل پارک میں موجود برف کوگلیشیرنہیں کہا جاسکتا،20 ویں صدی کے شروع میں وینزویلا میں چھ گلیشیرز موجود تھے، جو 999.7 مربع کلومیٹر رقبے پر پھیلے ہوئے تھے۔ اس رقبے میں ہمبولڈٹ 450 ہیکٹر تک پھیلا ہوا تھا،جو پگھل کر اب صرف دو ہیکٹر تک محدود ہوگیا ہے۔