2025 میں گوگل کمپنی ٹیکنالوجی کے کس شعبے پر زیادہ توجہ مرکوز کرے گی؟

گوگل کےصارفین کیلئے اہم خبر،2025 میں گوگل کمپنی ٹیکنالوجی کے کس شعبے پر سب سے زیادہ توجہ مرکوزکرے گی؟ گوگل کے چیف ایگزیکٹو سندر پچائی نے تمام تفصیلات بتا دیں۔
گوگل کے چیف ایگزیکٹو کے مطابق آرٹی فیشل انٹیلی جنس (اے آئی) ماڈل جیمنائی پر 2025 میں کمپنی کی جانب سے سب سے زیادہ توجہ مرکوز کی جائے گی۔گوگل ملازمین سے ایک خطاب میں ان کا کہنا تھا کہ 2025 کمپنی کیلئے انتہائی اہم برس ثابت ہوگا۔
سندر پچائی کے مطابق میرے خیال میں یہ بہت ضروری ہے کہ ہم اس لمحے کیلئے تیار ہو جائیں اور ہمیں کمپنی کو زیادہ تیزی سے آگے بڑھانے کی ضرورت ہے۔اس لمحے سے ان کی مراد اے آئی میں سرمایہ کاری میں اضافہ ہے۔رواں برس بھی جیمنائی ایپ کافی تیزی سے آگے بڑھی ہے، تاہم 2025 میں کافی کام کرنا ہوگا ،تاکہ اے آئی میں پیشرفت کے حوالے سے خلا کو کم کیا جا سکے ۔
اس سے قبل دسمبر 2024 کے شروع میں ایک کانفرنس کے دوران گوگل کے چیف ایگزیکٹو سندر پچائی کا کہنا تھا کہ ان کی کمپنی کا سرچ انجن (گوگل) 2025 میں نمایاں حد تک بدل جائے گا، یہاں تک کہ 2025 کے شروع میں بھی سرچ میں کافی کچھ نیا کرنا ممکن ہوگا۔