اگراداکارنہ ہوتاتوآج بریانی کاہوٹل چلا رہا ہوتا، فہد مصطفیٰ

پاکستان شوبزانڈسٹری کےمعروف اداکاروشوہوسٹ فہدمصطفیٰ نےکہاہےکہ اگراداکارنہ ہوتاتوآج بریانی کاہوٹل چلارہاہوتا۔
فہدمصطفیٰ نےچندماہ قبل ایک پروگرام میں بطورمہمان شرکت کی جہاں اداکارسےان کی زندگی کےبارےاورکیریئرکےبارےمیں سوال وجواب کیےگئے،جس میں فہدمصطفیٰ نےدلچسپ جواب دئیے۔
پروگرام میزبان نےفہدمصطفیٰ سےسوال کیااگرآج آپ اداکارنہ ہوتےتوکیاکام کرتے،جس کاجواب فہدمصطفیٰ نےدلچسپ طریقےسےدیاکہ میراپھربریانی کاہوٹل ہوتا۔کیونکہ اداکار فیضان شیخ کی اہلیہ و اداکارہ ماہم عامر کے والدین اور میرے والدین آپس میں بہت اچھے دوست ہیں، ماہم عامر کے والدین کا بریانی کا کاروبار ہے جو اب ماہم چلا رہی ہیں۔
گفتگوکوجاری رکھتےہوئےفہدمصطفیٰ نےکہاکہ انڈسٹری میں آنےسےقبل مجھےاچھی طرح یادہےکہ میرےوالدصاحب مجھ کو ایک بارماہم عامر کے گھر لے گئے تھے جہاں ماہم کی والدہ نے مجھے بریانی کا کاروبار چلانے کا طریقہ بتایا۔
اُنہوں نے کہا کہ ماہم کی والدہ نے مجھے بتایا کہ اس کاروبار میں کون کونسی مشکلات پیش آتی ہیں اور ساتھ ہی اُنہوں نے کاروبار کو کامیاب بنانے کا طریقہ بھی بتایا۔
فہد مصطفیٰ نے کہا کہ میرے والد صاحب بریانی کے کاروبار سے اس قدر متاثر ہوئے تھے کہ اگر آج میں اداکار نہیں بنتا تو وہ مجھے بریانی کا ہوٹل کھول کر دے دیتے۔
اداکار کی بات سُن کر میزبان نے سوال کیا کہ اگر آپ بریانی بیچ رہے ہوتے تو کیا آپ کی بریانی میں آلو ہوتا؟ جس پر فہد مصطفیٰ نے کہا کہ مجھے بریانی میں تو آلو کا علم نہیں لیکن ہاں میری زندگی ضرور آلو بن چکی ہوتی۔