بجلی صارفین کیلئےاچھی خبر:حکومت کااضافی وصولیاں واپس کرنےکافیصلہ

اچھی خبر،حکومت نےبجلی صارفین کواضافی وصولیاں واپس کرنےکافیصلہ کرلیا۔

نیپرارواں ماہ 27فروری کودرخواست پرسماعت کرےگی۔
سینٹرل پرچیزنگ پاور ایجنسی(سی پی پی اے) نے درخواست نیپرا میں دائر کر دی۔درخواست جنوری کی ماہانہ فیول ایڈجسٹمنٹ کی مدمیں دائرکی گئی۔جس کی وجہ سےبجلی کی قیمت میں2روپےفی یونٹ کمی ہوسکتی ہے۔
درخواست کےمطابق جنوری میں ڈسکوزکو7ارب 81کروڑ60لاکھ یونٹس بجلی فراہم کی گئی،بجلی کی پیداواری لاگت 10روپے78پیسےفی یونٹ رہی۔
ماہ جنوری کے دوران امپورٹڈ کول سے بجلی کی پیداوار 8.53 فیصد رہی، ایک ماہ کے دوران فرنس آئل سے 1.33 فیصد کی بجلی پیداوار رہی اور ماہ جنوری کے دوران آر ایل این جی سے بجلی کی پیداوار 18.92 فیصد رہی۔
جنوری کےمہینےمیں نیو کلیئر سے بجلی کی پیداوار 26.61 فیصد، ایران سے حاصل کردہ بجلی کی شرح 0.41 فیصد، ونڈ سے 2.67 فیصد اور بگاس سے پیداوار 1.67 فیصد رہی۔ ماہ جنوری کے دوران سولر سے بجلی کی پیداوار کا حصہ 1.06 فیصد رہا۔