بیوٹی سرجری کی ضرورت نہیں،اس عمرمیں بھی خودکوفٹ رکھاہوا،کرینہ کپور

بالی ووڈمیں ’بیبو‘کےنام سےشہرت رکھنےوالی اداکارہ کرینہ کپورنےکہاہےکہ اس عُمر میں بھی خود کو جسمانی اور ذہنی طور پر فِٹ رکھا ہوا ہے۔ مجھے کسی قسم کے بوٹوکس یا بیوٹی سرجری کی ضرورت نہیں۔
حال ہی میں بھارتی اداکارہ کرینہ کپورکاکہناتھاکہ میں شوبزکےبجائےگھرمیں اپنےشوہراوربچوں کووقت دےرہی ہوں ،اُن کےساتھ معیاری وقت گزارتی ہوں، اُن کے لیے مختلف کھانے پکاتی ہوں، اکثر تو شوہر اور بچوں کے ساتھ ورک آؤٹ بھی کرتی ہوں کیونکہ مجھے ورک آؤٹ کرنا بہت پسند ہے۔
اداکارہ کامزیدکہناتھاکہ ہر انسان کے لیے خوبصورتی بہت اہم ہوتی ہے اور خوبصورتی کا تعلق جوانی یا بڑھاپے سے نہیں ہے بلکہ انسان کو اپنی ہر عُمر کو انجوائے کرنا چاہیے کیونکہ انسان ہمیشہ جوان نظر نہیں آسکتا، وقت کے ساتھ عُمر ڈھلتی ہے۔
اُنہوں نے کہا کہ میری عُمر 44 سال ہے لیکن مجھے نہیں لگتا کہ مجھے اس بڑھتی عُمر میں بھی کسی قسم کے بوٹوکس یا کاسمیٹک سرجری کی ضرورت ہے کیونکہ میں اپنے شوہر کو ایسے ہی بہت پسند ہوں۔
کرینہ کپور کاکہناتھاکہ میں نے اس عُمر میں بھی خود کو جسمانی اور ذہنی طور پر فِٹ رکھا ہوا ہے کیونکہ میں اپنا بہت زیادہ خیال رکھتی ہوں۔ کاسمیٹک سرجریز کے بغیر بھی مجھے فلموں کی آفرز ہورہی ہیں کیونکہ مجھے شروع سے ہی اپنے ٹیلنٹ اور قابلیت پر بھروسہ رہا ہے۔
اداکارہ نے مزید کہا کہ میں ایسی فلموں کا انتخاب کرتی ہوں جس میں میرا کردار میری عُمر کے مطابق ہو کیونکہ میں چاہتی ہوں مداح مجھے ویسے ہی دیکھیں جیسی میں ہوں ۔