صارفین کیلئےاچھی خبر،نیپرا نےبجلی کی قیمت میں کمی کردی

بجلی صارفین کےلئےبڑی خوشخبری ،نیپرا نے1روپے88پیسےفی یونٹ بجلی سستی کردی۔
نیپرا نے کراچی سمیت ملک بھر کے بجلی صارفین کے لیے سہ ماہی ایڈجسٹمنٹ میں 3ماہ کے لئے بجلی سستی کردی۔ نیپرا نے بجلی کی قیمت میں 1 روپے 88 پیسے فی یونٹ کمی کی منظوری دے دی ہے۔
نیپرا کے مطابق یہ کمی مالی سال 2024-25 کی چوتھی سہ ماہی ایڈجسٹمنٹ کی مد میں کی گئی ہے، جس کے تحت صارفین کو اگست سے اکتوبر 2025 تک ریلیف ملے گا۔ریگولیٹری اتھارٹی نے یہ فیصلہ وفاقی حکومت کو ارسال کر دیا ہے، جس کی حتمی منظوری کے بعد عملدرآمد شروع ہوگا۔
نیپرا کا کہنا ہے کہ اس کمی سے بجلی صارفین کو مجموعی طور پر 55 ارب 87 کروڑ 40 لاکھ روپے کا ریلیف دیا جائے گا۔
واضح رہے کہ سنٹرل پاور پرچیزنگ ایجنسی نے نیپرا کو 1 روپے 75 پیسے فی یونٹ کمی کی درخواست دی تھی، جس کا جائزہ لینے کے بعد قیمتوں میں اس سے زیادہ کمی کی منظوری دی گئی۔